Ale nan kontni / Skip to content
HAÏTI / FLORIDA / DIASPORA
Publicité & contact YouTube
TELE PAMTELE PAMFlorida 18.10
Live TV
LE FIL

Matisan : operasyon pou debouche wout Sid la ap kontinye

Polis Nasyonal Ayiti (PNH) kontinye operasyon li yo nan Matisan, vandredi 20 novanm 2026 la, nan objektif pou debouche wout Sid kapital la, ki reprezante yon aks estratejik pou sikilasyon moun ak machandiz ant Pòtoprens ak depatman Sid peyi a.

Pou mennen operasyon sa a, plizyè inite espesyalize nan PNH la, tankou SWAT, UTAG ak UDMO, mobilize sou teren an avèk sipò Task Force la. Daprè Direksyon Kominikasyon Polis la (DIKOP), dispozitif la gen ladan l anviwon dis machin blende ak yon anjen lou.

Operasyon sa a vize fasilite sikilasyon sou wout la epi kreye kondisyon pou retabli lapè ak sekirite nan zòn nan, kote gwoup ame yo kontinye reprezante yon gwo menas pou popilasyon an.

TELE PAM · NEWSROOM Back to headline